لاہور(نیوز ڈیسک) انسپکٹر جنرل پولیس پنجاب ڈاکٹر عثمان انور نے صوبہ بھر میں پٹرول کی ناجائز ذخیرہ اندوزی کرنے والوں کے خلاف کریک ڈاؤن کا حکم دے دیا،ناجائز منافع کے لالچ میں پٹرول کی فروخت روکنے والے کسی رعایت کے مستحق نہیں ہیں۔ تفصیلات کے مطابق ڈاکٹرعثمان انور نے کہا ہے کہ صوبہ بھر میں ناجائز ذخیرہ اندوزی سے پٹرول کی مصنوعی قلت پیدا کرنے والے مالکان کے خلاف بلا تفریق کاروائیاں کی جائیں، آر پی اوز اور ڈی پی اوز ناجائز ذخیرہ اندوزی کرنے والے ڈپوز اور ایجنسیوں کے خلاف ذاتی نگرانی میں کاروائیوں کو یقینی بنائیں۔ انہوں نے کہا کہ پٹرول کی مصنوعی قلت پیدا کرکے شہریوں کیلئے مشکلات اور پریشانی کا باعث بننے والے کسی رعایت کے مستحق نہیں ہیں۔