پشاور (اے بی این نیوز)پشاور میں سبزیوں کی قیمتوں میں کمی کا رجحان دیکھنے میں آرہا ہے۔ گزشتہ ایک ہفتے کے دوران ٹماٹر کی قیمت میں 50 فیصد سے زیادہ کمی ریکارڈ کی گئی، جو پہلے 600 روپے فی کلو تک جا پہنچی تھی لیکن اب 300 روپے فی کلو میں فروخت ہو رہی ہے۔
دکانداروں کا کہنا ہے کہ حالیہ دنوں میں طورخم بارڈر کھلنے سے افغانستان سے ٹماٹروں کی آمد شروع ہو گئی ہے جس سے رسد میں بہتری آئی ہے، اور اگلے چند دنوں میں قیمت مزید کم ہونے کا امکان ہے۔
دکانداروں کے مطابق، اگر سپلائی کا سلسلہ مسلسل جاری رہا تو ٹماٹر کی قیمت 200 روپے فی کلو تک گر سکتی ہے۔ضلعی انتظامیہ کی جانب سے جاری کردہ سرکاری نرخنامے میں بھی متعدد سبزیوں کی قیمتوں میں ردوبدل کیا گیا ہے۔
تازہ نرخنامے کے مطابق آلو سرخ 80 روپے، پیاز 105 روپے اور ٹماٹر 300 روپے فی کلو فروخت کے لیے مقرر کیے گئے ہیں۔ اس کے علاوہ مختلف اقسام کے کچالو 30 سے 90 روپے، سبز مرچ 50 روپے اور شملہ مرچ 200 روپے فی کلو کے حساب سے دستیاب ہیں۔لہسن اور ادرک کی قیمتیں بدستور بلند سطح پر برقرار ہیں۔
مزید پڑھیں: فری لیپ ٹاپس کی تقسیم،سرکاری تاریخ کا اعلان ہوگیا
