اسلام آباد(اے بی این نیوز)پاکستان میں پیٹرولیم مصنوعات کی قیمتوں میں کمی کا امکان ہے۔ قومی اخبار کی رپورٹ کے مطابق آج رات بارہ بجے پیٹرولیم مصنوعات کی نئی قیمتوں کا اطلاق ہو جائے گا۔
16 اکتوبر سے پیٹرول کی فی لیٹر قیمت میں 6 روپے 10 پیسے کمی کا امکان ہے، ہائی اسپیڈ ڈیزل کی قیمت میں 97 پیسے فی لیٹر کمی ہو سکتی ہے۔
پیٹرولیم مصنوعات کی قیمتوں میں کمی سے عوام کو کچھ ریلیف ملے گا کیونکہ مہنگائی کی شرح مسلسل دوسرے ہفتے کے دوران بڑھ رہی ہے۔
پیٹرولیم مصنوعات کی قیمتوں میں اضافے کا اثر اشیاء خور و نوش پر بھی پڑتا ہے، پیٹرولیم مصنوعات کی قیمتوں میں ردو بدل کا حتمی فیصلہ اور اعلان حکومت کرے گی۔
مزید پڑھیں: پنجاب کے تمام تعلیمی بورڈ ز نے فرسٹ ایئر کے نتائج کا اعلان کردیا
