لاہور (اے بی این نیوز) ملازمین کو 100 فیصد اسپیشل الاؤنس دینے کا فیصلہ کرلیا گیا ، جس کے بعد پرانے ڈسپیریٹی، مہنگائی اور دیگر الاؤنسز بند ہو جائیں گے۔
تفصیلات کے مطابق صوبائی وزیر صنعت چوہدری شافع کی زیر صدارت پیسک بورڈ کا اجلاس منعقد ہوا جس میں ایم ڈی پیسک سائرہ عمر نے آٹھ نکاتی ایجنڈے پر تفصیلی بریفنگ دی۔
اجلاس میں کینسل پلاٹس سے متعلق ایک خصوصی کمیٹی تشکیل دی گئی، جو دو ہفتوں میں اپنی سفارشات پیش کرے گی۔اجلاس میں پیسک اسٹیٹ ڈیولپمنٹ اینڈ مینجمنٹ رولز 2025 کی منظوری دی گئی، جبکہ اسمال انڈسٹریل اسٹیٹ 4 گوجرانوالہ میں بجلی فراہمی کے منصوبے کی بھی منظوری دے دی گئی۔
اسی طرح اسٹیٹس 2 اور 3 سمڑیال میں منسوخ کیے گئے پلاٹوں کے لیٹرز واپس لینے کا فیصلہ کیا گیا۔مزید برآں، اجلاس میں پیسک میڈیکل پالیسی 2023 اور انٹرن شپ پروگرام کی منظوری دی گئی، جبکہ فنانشل پاورز کے نظریاتی شیڈول میں ترامیم بھی منظور کر لی گئیں۔
پیسک ملازمین کے لیے بنیادی تنخواہ میں 100 فیصد اسپیشل الاؤنس دینے کا فیصلہ کیا گیا، جس کے بعد پرانے ڈسپیریٹی، مہنگائی اور دیگر الاؤنسز بند ہو جائیں گے۔
پیسک اور اخوت کے درمیان خود روزگار اسکیم کی حکمت عملی بھی منظور کی گئی، جب کہ اسمال انڈسٹریل اسٹیٹس میں انفرااسٹرکچر کی بہتری کے پروگرام کا آغاز کیا جائے گا، جس کے تحت صفائی، سیکیورٹی اور سڑکوں کی حالت کو بہتر بنایا جائے گا۔
مزید پڑھیں: امریکا میں شٹ ڈائون ،ہزاروں ملازمین فارغ
