اسلام آباد(اے بی این نیوز)عدالتی حکم کے باوجود اسلام آباد میں ریڑھی بانوں کیخلاف آپریشن پر توہین عدالت کا کیس میں اسلام آباد ہائیکورٹ نے سی ڈی اے کو دو ہفتوں کے دوران ریڑھی بانوں کو ریگولیرائز کرنے کی ہدایت کر دی۔

جسٹس انعام امین منہاس نے ریڑھی بانوں کی درخواست پر سماعت کی۔ وکیل ایمان مزاری نے مؤقف اپنایا کہ ریڑھی بانوں کےکیس کا فیصلہ آنا تھا، پھر اس کیس کو ٹرانسفر کردیا گیا۔

ایک اسٹے آرڈر موجود ہے کہ کسی ریڑھی بان کو نہ ہٹایا جائے۔ وکیل کے مطابق سی ڈی اے ڈائریکٹر انعم فاطمہ نے ریڑھی بانوں کو دھمکی دی تھی کہ وہ کیس ٹرانسفرکروا دیں گی۔

اسلام آباد لوکل گورنمنٹ ایکٹ 2015 کے تحت لائسنس ایشو ہونے تھے جس کیلئے ہزاروں ریڑھی بانوں نے ایم سی آئی کو درخواستیں دی ہوئی ہیں۔

سی ڈی اے کے آپریشن پرعدالت کاحکم امتناع برقرار ہے۔ سرکاری وکیل نے مؤقف اپنایا کہ ایک ایم او یو کے تحت ریڑھی بانوں کو بٹھایا گیا ہے۔

جس پر جج نے ریمارکس دئیے کہ ریڑھی بان اس معاشرے کے لوگ ہیں جو کہیں آگے پیچھے نہیں جا سکتے۔ عدالت نےسی ڈی اے کو دو ہفتے میں ریڑھی بانوں کو ریگولرائزکرنےکی ہدایت کے ساتھ سماعت ملتوی کر دی۔
مزید پڑھیں: قطر پر اسرائیلی حملہ، سلامتی کونسل میں پاکستان ،اسرائیل کی جھڑپ