کوئٹہ (اے بی این نیوز)کوئٹہ سیمت بلوچستان بھر میں ایک مرتبہ پھر انٹرنیٹ سروس معطل ہوگئی، حکومتی سطع پر موبائل انٹرنیٹ سروس معطل کئے جانے کی کوئی وجہ بھی صارفین کو نہیں بتائی گئی ہے۔

تفصیلات کے مطابق کوئٹہ سمیت صوبے بھر میں موبائل فون انٹرنیٹ سروس گزشتہ رات ایک بار پھر اچانک معطل کردی گئی، موبائل فون انٹرنیٹ سروس معطلی کے بعد تاحال حکومتی مؤقف سامنے نہیں آیا ہے۔

تاہم اب ذرائع سے خبر سامنے آئی ہے کہ آج اور 6 ستمبر کو انٹرنیٹ سروس بند رہے گی جس کا نوٹیفیکیشن جاری کیا گیا ہے۔نوٹیفکیشن کے مطابق سکیورٹی خدشات کے باعث انٹرنیٹ سروس بند کی گئی ہے۔

موبائل فون انٹرنیٹ سروس صوبے کے بیشتر اضلاع میں یکم آگست سے معطل ہے۔بلوچستان ہائی کورٹ نے موبائل انٹرنیٹ بندش کے خلاف دائر آئینی درخواست کی سماعت میں صوبے بھر میں نیٹ سروس بحال کرنے کے احکامات دیے تھے جس کے بعد موبائل نیٹ سروس بحال کردی گئی تھی۔تاہم دوبادہ موبائل فون انٹرنیٹ سروس معطلی سے صارفین کو مشکلات کا سامنا کرنا پڑ رہا ہے ۔
مزید پڑھیں: ایشیا کپ ، ٹکٹوں کی آن لائن فروخت کا آغاز