اسلام آباد(اے بی این نیوز)پاکستان کی کرپٹو مارکیٹ میں ایک تاریخی سنگ میل عبور کر لیا گیا۔ دنیا کے سب سے بڑے کرپٹو ایکسچینج بائنینس (Binance) کی جانب سے منعقدہ ملک گیر مقابلے میں پاکستانی کمیونٹی ابوکارٹل (AbuCartel) نے سب کو حیران کر دیا اور کریپٹو کنگ آف پاکستان کا اعزاز اپنے نام کر لیا۔

بائنینس کے اس مقابلے میں ملک بھر سے 10 سے 15 بڑی ٹیموں نے شرکت کی، جن میں کئی ٹیمیں آٹھ سے نو ہزار ارکان پر مشتمل تھیں۔ تاہم، صرف تقریباً دو ہزار ممبران والی ابوکارٹل نے سب کو پیچھے چھوڑ دیا۔

محض دو ہفتوں کے قلیل عرصے میں ابوکارٹل کے ممبران نے اجتماعی طور پر دو لاکھ امریکی ڈالر (تقریباً ساڑھے پانچ کروڑ روپے) کے تصدیق شدہ منافع حاصل کیے، جبکہ کمیونٹی کے بانی نے ذاتی طور پر تیس ہزار ڈالر کمائے۔بائنینس کی جانب سے منعقدہ اس ایونٹ میں پچاس ہزار ڈالر سے زائد کا انعامی فنڈ رکھا گیا۔
مزید پڑھیں: وزیراعظم شہباز شریف کا سیلابی صورتحال پر اہم اجلاس بلانے کا فیصلہ