اسلام آباد(اے بی این نیوز)وفاقی وزیر خزانہ محمد اورنگ زیب نےکہا بجلی کے نرخوں میں کمی کیلئے معاہدے کئے گئے،ٹاسک فورس کام کررہی ہے،آنے والے دنوں میں توانائی اخراجات میں کمی آئے گی،اور بجلی سستی ہوگی۔

وفاقی وزیر خزانہ محمد اورنگ زیب نے راولپنڈی چیمبرمیں تقریب سےخطاب میں کہا سول اداروں میں پنشن اصلاحات کی گئی ہیں،سرکاری اداروں کی نجکاری میں اس سال تیزی آئےگی،43 وزارتوں اور 400 سے زائد محکموں میں رائٹ سائزنگ جاری ہیں،پچھلےسال قرضوں کی لاگت میں ایک ہزار ارب روپےکی کمی ہوئی،اس سال بھی قرضوں میں اتنی ہی کمی ہوگی۔

مزیدکہامعاشی اوراقتصادی کامیابیوں کوعالمی سطح پردیکھاجارہا ہے،2عالمی ریٹنگ ایجنسیوں نے ریٹنگ بہترکی،تیسری بھی جلد کردےگی،امریکا کےساتھ تجارتی معاہدے سےفائدہ اٹھانےکی ضرورت ہے، پوری کوشش ہے اس سال کے آخر تک پانڈا بانڈ جاری کردیں،پالیسی ریٹ 11 فیصد پرآگیا،سی ای اوز کا اعتماد 84 فیصد بڑھ گیا۔

وزیرخزانہ نےکہامشاورت سےحقیقت پسندانہ پالیسیاں بنائی جائیں گی،فنانس ایکٹ میں اضافی سیف گارڈز رکھے تھے،فنانسل بل کی شقوں پر مشاورتی انداز میں عمل درآمد چاہتے ہیں،صرف بجٹ میں نہیں، تاجروں سے سال بھرمشاورت جاری رہےگی،پاکستان کو ایک خوشحال،مضبوط اور ترقی یافتہ ملک بنانا ہے۔
مزید پڑھیں: اڑھائی سو سے زائد کیمروں کی فوٹیج غائب ہے ،فردوش شمیم نقوی