لاہور( اے بی این نیوز) پنجاب بھر میں پراپرٹی ٹیکس جمع نہ کرانے والے بڑے ڈیفالٹرز کو گرفتار کرکے ٹیکس ریکوری کاحکم دے دیا گیا۔ مالی سال کے آخری 2ماہ میں ڈی جی ایکسائزعمر شیر چٹھہ نے سخت کارروائیوں کا حکم دیتے ہوئے کہاہے کہ لاہور سمیت پنجاب بھر میں 42ارب سے زائد کا ہدف حاصل کیا،رواں مالی سال میں اب تک گزشتہ مالی سال کی نسبت 9ارب زائد وصول ہوچکے ہیں، 56 ارب سے زائد کے ٹارگٹ کےلئے حصول کے لئے سخت فیصلے کئے۔
عمر شیر چٹھہ کا کہنا تھا کہ موٹر ٹیکس میں 100 فیصد کے قریب پہنچ گئے ہیں، پراپرٹی ٹیکس میں بہتری کےلئے بڑے ڈیفالٹرز کی گرفتاریوں کاحکم دےدیا گیا ہے، ریکوری ہدف حاصل نہ کرنے والے انسپکٹرز اور ای ٹی اوز کو عہدوں سے ہٹایا جائے گا، گزشتہ ماہ 3 ارب کی ڈیفالٹرز77ہزار پراپرٹیز کو سربمہر کر کے اب تک1 ارب سےزائد کی وصولی کی گئی۔
عمرشیر چٹھہ کا مزید کہنا تھا کہ سربمہر پراپرٹیز کوخود ڈی سیل کرنے والوں کے خلاف درجنوں مقدمات درج کئے گئے، ڈائریکٹرز بھی وصولی کے لئے خود 2ماہ میں فیلڈ میں موجود رہیں۔
مزید پڑھیں: کینیڈا کا بڑا اعلان،امریکی گاڑیوں پر 25 فیصد ٹیرف نافذ
