کراچی(اے بی این نیوز)پاکستان اسٹاک مارکیٹ نیا سنگ میل عبور کرتے ہوئے ملکی تاریخ کی بلند ترین سطح پر پہنچ گئی۔کاروباری ہفتے کے آخری روز کاروبار کے آغاز پر اسٹاک ایکسچینج میں زبردست تیزی دیکھی گئی۔
1800 سے زائد پوائنٹس کے اضافے کے ساتھ پاکستان اسٹاک مارکیٹ 100 انڈیکس 120793 پوائنٹس کی سطح کو چھو گیا۔واضح رہے کہ گزشتہ کاروباری روز کے اختتام پر پاکستان اسٹاک ایکسچینج 100 انڈیکس 1131 پوائنٹس کے اضافے سے 118,938 پوائنٹس کی بلند ترین سطح پر بند ہوا تھا۔
دوسری جانب امریکی صدر ڈونلڈ ٹرمپ کی جانب سے دنیا کے کئی ممالک پر محصولات عائد کیے جانے کے بعد امریکی اسٹاک مارکیٹوں کو بڑا دھچکا لگا۔ کساد بازاری کی وجہ سے سرمایہ کاروں کے کھربوں ڈالر کا نقصان ہوا۔ امریکی منڈیاں 2020 کے بعد بدترین گراوٹ کا شکار ہیں۔
مزید پڑھیں: آج بروز جمعتہ المبارک 04 اپریل 2025 پاکستان کے مختلف شہروں میں سونے کی قیمت
