آئل اینڈ گیس ریگولیٹری اتھارٹی (اوگرا) نے مائع پیٹرولیم گیس (ایل پی جی) کی قیمتوں میں اضافے کا نوٹیفکیشن جاری کر دیا ہے۔ نوٹیفکیشن کے مطابق، یکم اپریل 2025 سے نئی ایل پی جی قیمتیں نافذ ہوں گی۔

رپورٹ کے مطابق، ایل پی جی کی قیمت میں 54 پیسے فی کلو اضافہ کیا گیا ہے۔ ایل پی جی پروڈیوسر کی قیمت 2,443.37 روپے فی 11.8 کلوگرام سلنڈر مقرر کی گئی ہے، جبکہ صارفین کے لیے زیادہ سے زیادہ قیمت 2,930.71 روپے فی 11.8 کلوگرام سلنڈر ہو گی۔ ایل پی جی کی فی کلو زیادہ سے زیادہ قیمت 248.37 روپے مقرر کی گئی ہے۔

ایل پی جی کی قیمت میں پروڈیوسر پرائس، مارجن اور ٹرانسپورٹیشن شامل ہیں۔ مارکیٹنگ، ڈسٹری بیوشن اور ٹرانسپورٹ مارجن 35,000 روپے فی میٹرک ٹن ہیں۔ مارکیٹنگ مارجن 17,000 روپے، ڈسٹری بیوشن مارجن 10,000 روپے فی ٹن اور ٹرانسپورٹیشن چارجز 8,000 روپے فی ٹن ہیں۔