اسلام آباد(اے بی این نیوز) حکومت نے پیٹرولیم مصنوعات کی قیمتوں میں کمی کا اعلان کردیا۔ تفصیلات کے مطابق پیٹرولیم مصنوعات کی قیمتوں میں دردوبدل کے بعد ہائی سپیڈ ڈیزل کی قیمت میں4روپے کمی اور پیٹرول کی فی لیٹر قیمت میں ایک روپے کمی ہوئی ہے ،ہائی سپیڈ ڈیزل کی نئی قیمت 263 روپے 95 پیسے جبکہ پیٹرول کی نئی قیمت 256 روپے 13 پیسے مقرر کی گئی ہے۔

مٹی کے تیل کی قیمت میں3 روپے 20 پیسے کی کمی سے نئی قیمت 171 روپے 65 پیسے مقرر کی گئی ۔لائٹ ڈیزل کی قیمت میں پانچ روپے 25 پیسے کمی ہوئی اور اس کی نئی قیمت 155 روپے 81 پیسے فی لیٹر مقرر کی گئی۔ نئی قیمتوں کا اطلاق آج رات 12 بجے ہوگا ،وزارت خزانہ نے وزیراعظم کی منظوری سے پیٹرولیم کی نئی قیمتوں کا نوٹیفکیشن جاری کر دیا۔
مزیدپڑھیں: پٹرولیم مصنوعات کی تازہ ترین قیمتوں کا اعلان کر دیا گیا ، کمی ہوئی یا اضافہ ؟ جانیں