کراچی ( نیوز ڈیسک ) ملک میں دھند کے باعث پاکستان انٹرنیشنل ایئر لائن (پی آئی اے) کا فلائٹ آپریشن متاثر ہوا ہے۔ترجمان کے مطابق دھند کے باعث لاہور، فیصل آباد، ملتان اور سیالکوٹ جانے والی پی آئی اے کی پروازیں متاثر ہو رہی ہیں۔
ترجمان نے کہا کہ مسافروں سے درخواست ہے کہ وہ پرواز کی بکنگ کے وقت ایئرلائن کی جانب سے رابطے کے لیے ایک درست اور فعال نمبر رجسٹر کریں۔ترجمان نے کہا کہ پی آئی اے اپنے فلائٹ آپریشنز کی حفاظت کو ضروری سمجھتی ہے۔
دھند کی وجہ سے پرواز متاثر ہونے کی صورت میں طیارے اور زمینی عملے کے ساتھ مکمل تعاون کریں۔پرواز میں تاخیر کے نتیجے میں عملے کے ساتھ مسافروں کا عدم تعاون پرواز کی روانگی میں مزید تاخیر کا سبب بن سکتا ہے۔مسافر پی آئی اے کے کال سینٹر یا ویب سائٹ سے اپنی پرواز کے بارے میں بروقت معلومات حاصل کر سکتے ہیں۔
مزید پڑھیں: سعودی عرب نے منشیات کی اسمگلنگ کے الزام میں 6 ایرانیوں کو سزائے موت دیدی
