اسلام آباد(نیوزڈیسک) وفاقی حکومت نے چائنا سالٹ کی درآمد پر پابندی کے سپریم کورٹ کے فیصلے کے خلاف نظرثانی درخواست کی پیروی کا فیصلہ کرلیا۔
یہ فیصلہ وزارت تجارت کی ایک سفارش کے بعد کیا ہے، جس میں ماہرین کی ایک خصوصی کمیٹی کی رپورٹ کا حوالہ دیا گیا ہے جس میں انسانی استعمال کیلئے چائنا سالٹ کی حفاظت کی تصدیق کی گئی ۔
وفاقی کابینہ نے اسلام آباد سنٹرل بزنس ڈسٹرکٹ ڈویلپمنٹ اتھارٹی کے قیام کی بھی ابتدائی منظوری دے دی۔اس اقدام کی تجویز وزارت داخلہ نے دی تھی۔ اس کا مقصد اقتصادی ترقی کی حوصلہ افزائی کرنا اور دارالحکومت کے کاروباری شعبے میں سرمایہ کاری کو راغب کرنا ہے۔
کابینہ نے کیمبرج یونیورسٹی، آکسفورڈ یونیورسٹی کے سینٹ انتھونی کالج، چین کی پیکنگ یونیورسٹی، یونیورسٹی آف اردن اور جرمنی کی ہائیڈل برگ یونیورسٹی سمیت ممتاز تعلیمی اداروں کے ساتھ مفاہمت کی متعدد یادداشتوں کی تجدید کی بھی منظوری دی۔
یہ معاہدے پاکستان اور وسیع تر عالمی برادری کے درمیان علمی تعاون اور تحقیقی اقدامات کو بڑھانے کے لیے بنائے گئے ہیں۔کابینہ نے سندھ میں خصوصی عدالتوں کے دائرہ اختیار اور آپریشنل دائرہ کار میں ایڈجسٹمنٹ کی بھی منظوری دی۔
اسی طرح کی تبدیلیاں کسٹم اینڈ ٹیکسیشن کورٹس کے ساتھ ساتھ کوئٹہ اور خضدار کی انسداد سمگلنگ عدالتوں میں بھی کی گئیں۔ مقصد ان کی عکاسی کو بہتر بنانا ہے۔اسی طرح کابینہ نے یونیورسٹی آف انجینئرنگ اینڈ ٹیکنالوجی (UET) لاہور اور بلوچستان یونیورسٹی میں سینٹر آف ایکسی لینس ان منرولوجی کے بورڈ آف گورنرز میں نئے ممبر کی تقرری کی منظوری دی۔
