اسلام آباد( نیوز ڈیسک) وزیر اعظم شہباز شریف کی جانب سے ای سی سی کے مہنگے یوریا کی درآمد کے فیصلے کا نوٹس لینے کے بعد، وفاقی کابینہ نے اپنی اقتصادی رابطہ کمیٹی کی درآمدی تجویز کو مسترد کر دیا ہے جس سے قومی خزانے کو 16 ارب روپے کی بچت ہوئی ہے۔
وزیر اعظم کی بروقت مداخلت کے بعد، کابینہ نے 100,000 میٹرک ٹن یوریا درآمد کرنے کے ای سی سی کے فیصلے کو کالعدم قرار دے دیا، جس کی لاگت تقریباً 10 ارب روپے ہو سکتی تھی، ذرائع نے بتایا کہ اس کے بعد حکومت کو درآمدی یوریا پر 5.86 بلین روپے کی سبسڈی دینا ہوگی۔
ذرائع نے مزید بتایا کہ 50 کلو یوریا کی بوری کی قیمت مقامی قیمت سے 2932 روپے زیادہ ہوگی۔ای سی سی نے متحدہ عرب امارات کی ویسٹ ٹریڈ انٹرنیشنل ایف زیڈ ای کمپنی کی سب سے کم بولی کو انگوٹھا دیا تھا جو کہ 358.99 ڈالر فی میٹرک ٹن تھی، ذرائع نے بتایا اور مزید کہا کہ درآمدی یوریا کی 50 کلو بوری 7,332 روپے میں دستیاب ہوتی۔
ذرائع نے مزید بتایا کہ درآمدی یوریا کی زمینی لاگت کا تخمینہ 5,832 روپے فی 50 کلوگرام تھیلا ہے جس میں NFML کے 1,500 روپے کے اخراجات ابھی شامل کیے جانے ہیں۔ذرائع نے بتایا کہ مقامی مارکیٹ میں 50 کلو یوریا کا تھیلا 4400 روپے میں دستیاب ہے۔ٹریڈنگ کارپوریشن آف پاکستان (TCP) نے 150,000 میٹرک ٹن یوریا کی درآمد کے لیے ٹینڈر جاری کیا تھا جو 29 جولائی 2024 کو کھولا گیا تھا، ذرائع نے بتایا اور TCP کو چھ بولیاں موصول ہوئیں۔
مزید پرھیں :بڑا اعلان ،سکولوں کے اوقات اور چھٹیوں کی پالیسی میں تبدیلی
