کراچی ( نیوز ڈیسک )منگل کو تکنیکی اور آپریشنل وجوہات کی بنا پر کراچی کے جناح انٹرنیشنل ایئرپورٹ سے مزید آٹھ بین الاقوامی اور اندرون ملک پروازیں منسوخ کر دی گئیں۔

ایئر بلیو کی کراچی سے اسلام آباد جانے والی پرواز پی اے 200 منسوخ کر دی گئی جب کہ ایئر سیال کی کراچی سے لاہور جانے والی پرواز پی ایف 143 کو بھی منسوخ کر دیا گیا۔

کراچی سے اسلام آباد جانے والی سیرین ایئر کی پرواز ER-504 کو روک دیا گیا جبکہ کراچی سے پشاور جانے والی سیرین ایئر کی ایک اور پرواز ER-554 بھی منسوخ کر دی گئی۔

کراچی سے لاہور جانے والی سیرین ایئر کی پروازیں ER-522 اور ER-524 بھی بند کر دی گئیں۔کراچی سے لاہور جانے والی پی آئی اے کی پرواز پی کے 306 کو روک دیا گیا جبکہ فلائی بغداد کی کراچی سے نجف جانے والی پرواز IF-334 بھی منسوخ کر دی گئی۔

کراچی سے اسلام آباد جانے والی پی آئی اے کی ایک اور پرواز پی کے 368 کو ایک گھنٹے سے زائد تاخیر کا سامنا کرنا پڑا۔
مزید پڑھیں: وزیر اعظم شہباز شریف کی طبیعت ناساز، اسحاق ڈار ایران میں پاکستان کی نمائندگی کرینگے