کراچی (نیوز ڈیسک ٌ کمشنر کراچی نے جمعرات کو ڈیری فارمرز ایسوسی ایشن کے ساتھ بات چیت کے بعد دودھ کی نئی قیمتوں کا اعلان کیا۔
جاری نوٹیفکیشن کے مطابق دودھ کی پرچون قیمت 20 روپے فی لیٹر اضافے کے بعد 220 روپے فی لیٹر مقرر کی گئی ہے۔ دودھ کی ہول سیل اور ڈیری فارمر کی قیمتیں بالترتیب 205 روپے اور 195 روپے فی لیٹر مقرر کی گئی ہیں۔
یہاں یہ بات قابل ذکر ہے کہ ڈیری فارمرز پٹرولیم مصنوعات کی قیمتوں میں کمی کے درمیان ڈیری مصنوعات کی قیمتوں میں اضافے کا مطالبہ کر رہے ہیں۔کمشنر کراچی اور ڈیری فارمرز کے درمیان ایک معاہدے کے بعد قیمت میں اضافہ کیا گیا ہے ۔
معاہدے کے مطابق ڈیری فارمرز دودھ سرکاری قیمت پر فروخت کریں گے اور عدم تعمیل کی صورت میں کارروائی کی جائے گی۔
“دودھ بیچنے والے 31 دسمبر تک مزید اضافے کا مطالبہ نہیں کریں گے۔ ڈیری فارمر ہر سطح پر خرید و فروخت کے نرخ ظاہر کرنے کے پابند ہوں گے۔ ڈیری فارمز سے لے کر خوردہ فروشوں تک دودھ کا معیار برقرار رکھا جائے گا۔
مزید پڑھیں: بجٹ 2024-25 میں ودہولڈنگ ٹیکس میں اضافے کے بعد پاکستان میں سوزوکی آلٹو کی متوقع قیمت
