لاہور (نیوز ڈیسک )پنجاب حکومت کسانوں کو بلاسود قرضے فراہم کرنے کے لیے پہلی بار لائیو سٹاک کارڈ سکیم 2024 شروع کرنے کے لیے تیار ہے۔منصوبے کی منظوری وزیر اعلیٰ مریم نواز نے لائیو سٹاک کے کاروبار سے وابستہ افراد کو سہولیات کی فراہمی سے متعلق اجلاس کی صدارت کرتے ہوئے دی۔
وزیراعلیٰ کا کہنا ہے کہ حکومت مویشی پال کسانوں کو معاشی طور پر خود مختار بنانا چاہتی ہے۔حکام نے وزیراعلیٰ کو بتایا کہ جنوبی پنجاب کے دیہی علاقوں میں مرد اور خواتین ڈیری فارمرز کو بلاسود قرضہ فراہم کیا جائے گا۔ انہوں نے کہا کہ 40,000 سے زیادہ کسان اس اسکیم سے فائدہ اٹھا سکیں گے۔قرض کی رقم جانوروں کی خوراک خریدنے کے لیے استعمال کی جائے گی۔
08 جون (اے پی پی) وزیراعلیٰ پنجاب مریم نواز شریف نے پنجاب لائیو سٹاک کارڈ منصوبے کی منظوری دے دی جس کے تحت جانوروں کے چارے کے لیے 250,000 روپے بلاسود قرضے دیے جائیں گے۔وزیراعلیٰ نے ہفتہ کو یہاں لائیو سٹاک سے متعلق اجلاس کی صدارت کی جس میں اہم منصوبوں کی منظوری دی گئی۔ وزیراعلیٰ نے جنوبی پنجاب میں ڈیری فارمنگ کے لیے سکیم بنانے کے ساتھ لائیو سٹاک فارمرز کے لیے قرضوں کے حصول کے مراحل کو آسان بنانے کی ہدایت کی۔ وزیراعلیٰ نے کہا کہ ہم پنجاب کے لائیوسٹاک فارمرز کو معاشی آزادی کی راہ پر گامزن کرنا چاہتے ہیں۔
پنجاب لائیو سٹاک کارڈ سکیم کے تحت قرض کی حد
لائیو سٹاک کارڈ سکیم کے تحت کاشتکاروں کو پنجاب میں ونڈا، سائیلج اور منرل مکسچر کی سہولیات کی خریداری کے لیے 270,000 روپے تک کا قرض دیا جائے گا۔
کسانوں کو پنجاب لائیو سٹاک کارڈ کے ذریعے 90 دنوں میں اپنا قرضہ ادا کرنا ہو گا۔
مزید برآں، پنجاب میں ‘جانوروں کی شناخت کا پتہ لگانے کے نظام’ کے ذریعے مویشیوں کی دیکھ بھال کی سہولت فراہم کی جائے گی۔ کسانوں کو جانوروں کی مفت ٹیگنگ کرنے کے لیے سہولیات فراہم کی جائیں گی، مفت انسیمینیشن کی خدمات کے ساتھ ساتھ وانڈا (فیڈ) اور سائیلج کے معیار کی جانچ کی سہولیات فراہم کی جائیں گی۔
مزید پڑھیں: حکومت کو لاپتہ شہری کے والد کو30لاکھ روپے معاوضہ دینے کا حکم
