اسلام آباد(نیوزڈیسک) اسلام آبادہائیکورٹ نے ایف بی آر کی ری اسٹرکچرنگ کمیٹی کی تشکیل کا نوٹیفکیشن معطل کرتے ہوئے نگران حکومت کو ایف بی آر کی ری اسٹرکچرنگ کمیٹی تشکیل کا نوٹیفکیشن معطل کر دیا۔ایف بی آر افسر نے نگران حکومت کے اقدام کو چیلنج کرتے ہوئے مؤقف اختیار کیا تھا کہ یہ کام نگراں حکومت کا مینڈیٹ نہیں ، لہذا نگراں حکومت کو ایف بی آر کی ری اسٹریکچرنگ سے روکا جائے
مزید پڑھیں:8 فروری کو انٹرنیٹ سروس بند نہیں کی جائے گی ،پاکستان ٹیلی کمیونیکیشن
الیکشن ایکٹ 2017 کے تحت الیکشن کمیشن نے بھی حکومت کو روکا تھا اس کے باوجود کمیٹی بنا دی گئی۔واضح رہے کہ نگران حکومت نے ایف بی آر کی ری اسٹرکچرنگ کو عملی جامہ پہنانے کیلیے عملدرآمد کمیٹی تشکیل دیتے ہوئے 72 گھنٹوں میں پالیسی تیار کرنے کی ہدایت کی ہے۔
ریونیو ڈویژن کے جاری کردہ نوٹیفکیشن کے مطابق 8 رکنی امپلیمینٹیشن اینڈ ایسیٹ ڈسٹریبیوشن کمیٹی کی سربراہی نگران وزیر خزانہ ڈاکٹر شمشاد اختر کریں گی جبکہ ساجد قاضی کو کمیٹی کا سیکریٹری مقرر کیا گیا ہے۔
