ریاض(نیوزڈیسک)سعودی عرب نے خام تیل کے نرخ میں ایک فیصد سے زیادہ کمی کردی ، یہ حیرت انگیز فیصلہ عالمی منڈی میں خام تیل کی قیمت میں کمی کا سبب بنا ہے۔سعودی عرب کے اقدام سے اس کے تیل کے نرخ 27 ماہ کی کم ترین سطح پر آگئے ۔غیرملکی خبررساں ادارے کے مطابق غزہ میں اسرائیلی فوجی کارروائیوں کے طول پکڑنے پر ماہرین نے کہا تھا کہ مشرقِ وسطیٰ کی بگڑتی ہوئی صورتِ حال عالمی منڈی میں تیل کی قیمت بڑھاکر بحران پیدا کرسکتا ہے۔ ان کا خیال تھا کہ غزہ کی لڑائی تیل کی عالمی منڈی پر بھی اثر انداز ہوگی اور توانائی کے بحران سے دوچار دنیا کے لیے مزید مشکلات پیدا ہوں گی۔