پراگ(نیوز ڈیسک) اپنے بال نوچ کر کھانے والی 11 سالہ لڑکی کا کامیاب آپریش،معدے سے کپ کے سائز جتنا بالوں کا گچھا نکال لیا گیا۔ غیر ملکی میڈیا کے مطابق یہ عجیب واقعہ چیک رپبلک میں پیش آیا جہاں ڈاکٹروں کی ایک ٹیم نے کامیاب آپریشن کرکے بچی کے معدے سے کپ کے سائز جتنا بالوں کا گچھا نکالا،بچی ریپنزل نامی ایک سنڈروم کا شکار ہے، یہ بیماری 1968ء میں پہلی بار رپورٹ ہوئی تھی جس کے دنیا میں اب تک درجن بھر کیسز سامنے آ چکے ہیں۔سرجن کا کہنا ہے کہ اگر آپریشن کر کے بچی کے پیٹ سے بالوں کا گچھا نہ نکالا جاتا تو اس کو پیٹ میں شدید درد کا سامنا کرنا پڑتا جبکہ اس کا وزن بھی آہستہ آہستہ کم ہو جاتا،اس بیماری میں مریض اپنے بال نوچ کر کھانا شروع کردیتا ہے، بیماری کا شکار زیادہ تر لڑکیاں ہوتی ہیں جو بچپن سے بڑھتی عمر تک اس کا سامنا کرتی ہیں۔