لاہور (نیوزڈیسک)لاہور سے اغوا ہونے والے 60 سالہ تصور حسین کی درد ناک ویڈیوزنجی ٹی وی کو موصول ہوگئیں جس میں انہیں زنجیروں میں جکڑا ہوا دیکھا جا سکتا ہے۔ تفصیلات کے مطابق لاہور سے اغوا ہونے والے 60 سالہ تصور حسین کی درد ناک ویڈیوزنجی ٹی وی کو موصول ہوگئیں جس میں انہیں زنجیروں میں جکڑا ہوا دیکھا جا سکتا ہے،کچہ کے ہنی ٹریپ گینگز نے تصور حسین کی ویڈیو ورثا کو بھجوائی اور تاوان کی رقم ایک سے بڑھا کر 5 کروڑ روپے کر دی،اس حوالے سے مغوی کے بیٹے ڈاکٹر تنویر نے بتایا کہ سی سی پی او لاہور تک نے معاملے پر بے بس ہونے کا اعتراف کیا ہے جبکہ والد کی رہائی کے بدلے 5 کروڑ روپے تاوان مانگا جارہا ہے۔انہوں نے قانون نافذ کرنے والے اداروں سے مطالبہ کیا کہ والد پر بدترین تشدد کیا جارہا ہے اور انہیں بازیاب کرایا جائے، کچہ کے گینگز لاہور، سرگودھا، گوجرانوالہ سے کئی افراد کو اغوا کر چکے ہیں۔پولیس کے مطابق مغویوں کو گھوٹکی ، کشمور کے علاقوں میں منتقل کیا جاتا ہے۔