اسلام آباد(نیوزڈیسک)سال رواں 2024 اختتام کے قریب ، سال 2025 کی آمد قریب ،لوگوں کی بڑی تعداد یہ جاننا چاہتی ہے کہ نئے سال میں دنیا میں کیا کیا تبدیلیاں رونما ہونگی ؟ اس حوالے سے معروف ماہر نجوم نوسٹراڈیمس کی پیشگوئیاں سامنے آرہی ہیں جس میں 2025 کے حوالے سے سنسنی خیز پیشگوئیاں کی گئی ہیں۔ نوسٹراڈیمس عالمی سطح شہرت یافتہ ماہر نجوم ہیں ۔
نوسٹراڈیمس نے صدیوں پہلے بہت سے ایسے واقعات کی پیش گوئی کی تھی جواس کی پیشگوئی کے عین مطابق رونما ہوئے۔نوسٹراڈیمس وہ ماہر نجوم تھے جنہوں نے کئی سالوں تک کی پیشگوائیاں کیں، ان کی پیشگوئیوں میںہٹلر کے عروج، نائن الیون، اور کورونا وبا بھی شامل رہی ان کی کتاب ”The Profecies“ میں 942 نظمیں ہیں جن کی تشریح لوگ مستقبل کے عالمی واقعات کو سمجھنے کیلئے کرتے چلے آرہے ہیں۔
اب 2025 کیلئے نوسٹراڈیمس کی پیشگوئی نے سب کو پریشان کررکھا ہے ، ۔ عالمی ماہر نجوم نوسٹراڈیمس نے روس اور یوکرین کی جنگ کا ذکربھی کیاہے جس میں کہا گیا ہے کہ روس اور یوکرائن وسائل ختم ہونے کے باعث جنگ ختم کرنے پر مجبور ہوں گے۔
نوسٹراڈیمس کا کہنا تھا کہ 2025 میں ایک بڑا سیارچہ زمین سے ٹکرائے گا یا انتہائی کم فاصلے سے گزرے گا ،برازیل، جسے ”دنیا کا باغ“ کہا جاتا ہے، موسمیاتی تبدیلیوں کے باعث سیلاب اور آتش فشاں پھٹنے کا سامنا کر سکتا ہے۔
یورپی ریاستوں کے درمیان بڑی جنگ چھڑے گی اور ساتھ ہی ساتھ عہدِ قدیم کا ایک طاعون بھی پھیلے گا جو دشمن ممالک یا دشمن افواج سے کہیں زیادہ خطرناک ثابت ہوگا۔نوسٹراڈیمس کی پیشنگوئی کے مطابق 2025 برطانیہ کیلئے سخت ثابت ہوگا، جنگیں ہوں گی اور ایک پرانی بیماری دوبارہ جنم لے گی جو کسی بھی دشمن سے بدتر ہوگی۔
اس سے قبل نوسٹراڈیمس نے کورونا وبائی مرض کی صحیح پیش گوئی کی تھی، اس لیے ماہرین اس پیشن گوئی کو سنجیدگی سے لے رہے ہیں۔نوسٹراڈیمس نے ساتھ ہی ساتھ یہ بھی لکھا کہ برطانیہ میں شاہ چارلس سوم کا عہدِ فرماں روائی قلیل مدت کا ہوگا۔ ماہرین کہتے ہیں کہ شاہ چارلس سوم کو صحت کی خرابی کے باعث تخت و تاج سے دست بردار ہونا پڑسکتا ہے۔
اسرائیل کی شام کے تین بڑے فضائی اڈوں پر بمباری ، جنگی طیارے تباہ ہونے کا خدشہ
