راولپنڈی(نیوزڈیسک) بلوچستان میں دہشتگردوں کا سکیورٹی فورسز کی چیک پوسٹ پر حملہ 2 اہلکار شہید ہوگئے۔پاک فوج کے شعبہ تعلقات عامہ(آئی ایس پی آر) کے مطابق دہشتگردوں نے بلوچستان کے ضلع کیچ کے علاقے سنگوان میں پاک ایران سرحد پر سکیورٹی چیک پوسٹ پر بڑا حملہ کیا ،پوسٹ پر تعینات اہلکاروں نے دہشتگردوں کے حملے کا بھرپور جواب دیا۔ شدید فائرنگ کی وجہ سے 2 سکیورٹی اہلکار شہید ہوگئے، فورسز کی بروقت جوائی کارروائی نے دہشت گردوں کو کامیابی سے پیچھے دھکیل دیا۔شہید ہونے والوں میں 34 سالہ سپاہی حسنین اشتیاق اور 27 سالہ سپاہی عنایت اللہ شامل ہے ۔ سکیورٹی فورسز نے فرار ہونے والے دہشت گردوں کی گرفتاری کیلئے علاقے میں کلیئرنس آپریشن شروع کر دیا ۔ ترجمان پاک فوج نے کہا کہ کسی کو بلوچستان میں امن کی کوششوں کو سبوتاژ کرنے کی اجازت نہیں دی جا سکتی۔