اسلام آباد (نیوز ڈسک) قومی اسمبلی کا اجلاس آج ہو گا،49 نکاتی ایجنڈا جاری کر دیا گیا۔ تفصیلات کے مطابق آج نجی کارروائی کا دن ہے ، اراکین نجی بل،تحاریک اور قرار دادیں پیش کریں گے جو کہ ایجنڈے کا حصہ بنائی گئی ہیں ، اجلاس میں مجلس شوریٰ اور پارلیمنٹ کی توہین کا بل پیش کیا جائے گا ، پی آئی اے کرایوں میں اضافے اور چیئرمین متروکہ وقف املاک بورڈ سے زبردستی استعفیٰ کی خبروں پر توجہ دلاؤ نوٹس بھی ایوان میں پیش کیا جائیگا ۔
