اسلام آباد (نیوز ڈیسک) الیکشن سے متعلق سیاسی جماعتوں کو ایک ہی موقف اپنانے کیلئے سپریم کورٹ کی مہلت ختم ہونے کو،سیاسی میدان میں ہلچل ، فریقین میں سیاسی مذاکرات کی کوششیں جاری ۔وزیراعظم شہباز شریف نے اتحادی رہنماؤں کا مشاورتی اجلاس آج طلب کرلیا جس میں ملکی سیاسی صورتحال پر تفصیلی مشاورت کی جائے گی ۔ واضح رہے کہ وزیراعظم شہبازشریف کی زیرصدارت وفاقی کابینہ کا اجلاس آج دوپہر 2 بجے طلب کر رکھا ہے اس میں بھی ملکی مجموعی سیاسی صورتحال زیرغور کیا جائے گا جبکہ وزیراعظم شہبازشریف آج شام 7 بجے اتحادی جماعتوں کے ارکان کے اعزازمیں عید ملن عشائیہ بھی دیں گے۔
