اسلام آباد (نیوزڈیسک) سابق وزیر داخلہ شیخ رشید نے سماجی رابطوں کی ویب سائٹ پر کہا کہ سارے لوگ کان کھول کر سن لیں عدلیہ کے فیصلوں کی تعمیل نہ ہوئی تو پھر ملک میں کچھ اور ہوگا جس کی لپیٹ میں سارے آئیں گے۔سماجی رابطے کی ویب سائٹ ٹوئٹر پر اپنے پیغام میں شیخ رشید نے کہا کہ عدلیہ ماں جائی ہے، عدلیہ کا کوئی لاڈلہ بیٹا نہیں، تمام ادارے عدلیہ کے ماتحت ہوتے ہیں، عدلیہ کی حکم عدولی ملک کی بقاء کو خطرے میں ڈال دیتی ہے، عدلیہ ہی آئین، قانون اور ملکی بقاء کا دوسرا نام ہے۔انہوں نے کہا کہ اپنے لوٹ مار کے کیسز ختم کروانے کیلئے سازش سے حکومت بنانا قومی بد دیانتی ہے، عدلیہ نہیں ہوگی تو جمہوریت نہیں ہوگی، آئین قانون کسی کا سہولت کار نہیں ہوتا، لوٹ مار کرنے والے اور ملکی خزانے کو تباہ کرنے والے بہانے تلاش کرتے رہتے ہیں، حکومت خود تو ذلیل ہوگئی ہے اب اداروں کو بھی ذلیل کرنا چاہتی ہے۔

عدلیہ ماں جائی ہےعدلیہ کاکوئی لاڈلہ بیٹا نہیں تمام ادارےعدلیہ کےماتحت ہوتےہیں عدلیہ کی حکم عدولی ملک کی بقاءکوخطرےمیں ڈال دیتی ہےعدلیہ ہی آئین قانون اورملکی بقاءکادوسرانام ہےاپنےلوٹ مارکےکیسزختم کرانےکےلیےسازش سےحکومت بناناقومی بددیانتی ہےعدلیہ نہیں ہوگی توجمہوریت نہیں ہوگی

— Sheikh Rashid Ahmed (@ShkhRasheed) March 28, 2023

ان کا مزید کہنا تھا کہ وزیر داخلہ عقل کے ناخن لیں اور پاگل پن کے بیانات سے گریز کریں، پاکستان پیپلز پارٹی کے اندر سے انتخابات کی حمایت میں آوازیں اٹھنا شروع ہو گئی ہیں، آئی ایم ایف پروگرام سعودی عرب اور امارات کے بغیر نہیں ہوگا، 10کلو آٹے کیلئے 10 لوگ مرگئے ہیں، سیاسی، اقتصادی، سماجی استحکام صرف انتخاب سے آئے گا، جب تک انتخاب نہیں ہوں گے، انتشار اور خلفشار رہے گا۔

سیاسی اقتصادی سماجی استحکام صرف انتخاب سےآئےگاجب تک انتخاب نہیں ہوں گےانتشاراورخلفشاررہےگاوزیر داخلہ عقل کے ناخن لیں اورپاگل پن کےبیانات سےگریز کریں pppکےاندرسےانتخابات کی حمایت میں آوازیں اٹھنا شروع ہو گئی ہیںIMFسعودی اورامارات کےبغیرنہیں ہوگا10کلو آٹے میں10لوگ مرگئے ہیں

— Sheikh Rashid Ahmed (@ShkhRasheed) March 28, 2023