دمشق( نیوزڈیسک) صحرائی علاقوں میں پائی جانیوالے نایاب اور مہنگے ترین پھل کی تلاش میںگھومتے 10 شکاری بارودی سرنگ دھماکے کا شکار ہوگئے۔ شام کے وسطی صحرائی علاقے السلمیہ میں ہونے والے بارودی سرنگ دھماکے میں 10 افراد ہلاک اور 2 زخمی ہوگئے۔ہلاک اور زخمی ہونے والے اس علاقے میں زیر زمین اگنے والے دنیا کے مشہور اور نایاب پھل ٹرفل (ایک قسم کی مشروم اور فنگس) کو تلاش کر رہے تھے جس کے لیے تربیت یافتہ کتے استعمال کیے جاتے ہیں۔یہ افراد ٹرفل کی تلاش کے دوران زیر زمین بچھی ایک بارودی سرنگ کی زد میں آگئے۔ اسی علاقے میں ایک اور بارودی سرنگ دھماکے میں 10 افرد زخمی بھی ہوئے۔ وہ بھی ٹرفل کی کھوج لگا رہے تھے۔سیریئن آبزرویٹری فار ہیومن رائٹس وار مانیٹر کے مطابق گزشتہ برس اس پھل کے موسم فروری سے اپریل کے درمیان 112 افراد بارودی سرنگ دھماکوں یا داعش کے حملوں میں مارے گئے ہیں۔یہ پھل دنیا بھر میں مہنگے داموں ہاتھوں ہاتھوں لیا جاتا ہے۔ ایک کلو قیمتی ٹرفل (مشروم کی طرح کی فنگس کی ایک قسم) ایک ایسے ملک میں 5 اور $10 کے درمیان فروخت ہوتی ہے جہاں اوسط ماہانہ تنخواہ تقریباً $18 ہے۔شام کی حکومت نے ان بارودی سرنگ کا ذمہ دار داعش کو قرار دیا ہے۔