اسلام آباد (اے بی این نیوز) ملک میں سردیوں کی آمد کے ساتھ ہی سولر پینلز کی قیمتوں اور مارکیٹ میں طلب کے حوالے سے صارفین کی دلچسپی بڑھ گئی ہے۔ بجلی کے بڑھتے ہوئے اخراجات سے پریشان شہری سولر سسٹم لگوانے سے پہلے نئے ریٹس جاننے کے لیے مارکیٹ کا رخ کر رہے ہیں۔
سولر پینلز کی قیمتوں کا انحصار ان کی واٹ پاور، برانڈ، معیار، درآمدی صورتحال اور ڈیلرز کی قیمتوں پر ہوتا ہے۔ سردیوں میں دن چھوٹے ہونے اور دھوپ کے دورانیے میں کمی کے باعث سولر سسٹم سے بجلی کی پیداوار بھی گرمیوں کے مقابلے میں کم ہوسکتی ہے۔
ماہرین کے مطابق سولر پینلز خریدنے سے پہلے مختلف دکانوں سے قیمتیں معلوم کرنا، پینلز کی وارنٹی چیک کرنا اور انسٹالیشن کے اخراجات کو بھی مجموعی بجٹ میں شامل کرنا ضروری ہے۔
اکتوبر 2026 میں سولر پینلز کے اندازاً ریٹس
| سولر پینل فی واٹ قیمت فی پلیٹ قیمت
|
| 545 واٹ لانگی، پرانا اسٹاک 39 روپے | 21,255 روپے
| 585 واٹ جے اے سولر 40.2 روپے | 23,545 روپے
| 585 واٹ لانگی X7 42.8 روپے 25,010 روپے
| 590 واٹ ٹرینا 40 روپے 23,600 روپے
| 580 واٹ جِنکو ٹائیگر نیو 42.3 روپے 24,505 روپے
یہ دستیاب مارکیٹ ریٹس ہیں؛ شہر، گریڈ، وارنٹی اور ڈیلر کے لحاظ سے قیمت مختلف ہوسکتی ہے۔
مزید برآں، صارفین کو مشورہ دیا جاتا ہے کہ سولر پینلز خریدتے وقت اصل کمپنی کا بارکوڈ، گریڈ اور وارنٹی کی تصدیق ضرور کریں تاکہ غیر معیاری یا جعلی مصنوعات سے بچا جاسکے۔
مزیدپڑھیں: خواتین کی جعلی پروفائلز اور آن لائن بلیک میلنگ پر این سی سی آئی اے کا انتباہ
