اسلام آباد (اے بی این نیوز) پاکستانی اداکارہ سُکینہ خان امریکا میں شادی کے بندھن میں بندھ گئیں، ان کی شادی کی خوبصورت تصاویر سوشل میڈیا پر وائرل ہوگئیں، جہاں مداحوں کی جانب سے انہیں مبارکباد دینے کا سلسلہ جاری ہے۔
اداکارہ سُکینہ خان نے امریکا میں منعقدہ ایک روایتی تقریب کے دوران اپنی زندگی کے نئے سفر کا آغاز کیا۔ شادی کے موقع پر انہوں نے سرخ اور سنہری رنگ کا خوبصورت عروسی لہنگا زیب تن کیا، جبکہ ان کے شوہر سفید رنگ کی شیروانی میں نظر آئے۔
سُکینہ خان کے برائیڈل لُک، دلکش میک اپ اور عروسی لباس کو سوشل میڈیا صارفین کی جانب سے بے حد پسند کیا جا رہا ہے۔ شادی کی تصاویر سامنے آنے کے بعد مداحوں اور شوبز شخصیات نے انہیں نئی زندگی کے آغاز پر مبارکباد اور نیک تمناؤں کے پیغامات دیے۔
دوسری جانب یہ رپورٹس بھی سامنے آئی ہیں کہ اداکارہ شادی کے بعد کچھ عرصے کے لیے شوبز انڈسٹری سے وقفہ لے سکتی ہیں تاکہ اپنی ازدواجی زندگی پر توجہ دے سکیں، تاہم اس حوالے سے باضابطہ تصدیق سامنے آنے تک اسے ایک رپورٹ ہی سمجھا جانا چاہیے۔
مزیدپڑھیں: پشاور،نجی اسکول کی چھت گرنے سے 17 بچے جاں بحق
