کراچی ( اے بی این نیوز) چیئرمین پیپلز پارٹی بلاول بھٹو زرداری نے کہا ہے کہ گورنر راج اور ایمرجنسی آئینی آپشن ہیں، وفاق ان کے لیے تیار بھی تھا، تاہم پیپلز پارٹی نے مشورہ دیا کہ گورنر راج اور ایمرجنسی سے پہلے مسئلے کا سیاسی حل تلاش کرنے کی کوشش کی جائے۔
بلدیہ عظمیٰ کراچی کے تحت ہارون آباد میں سیوریج واٹر ٹریٹمنٹ پلانٹ ون کی تقریب سے خطاب کرتے ہوئے بلاول بھٹو زرداری نے کہا کہ پی ٹی آئی کو قائل کرنے کی کوشش کریں گے کہ اپنے لانگ مارچ کی کامیابی کو مانیں اور مارچ ختم کریں۔
کراچی: پاکستان پیپلزپارٹی کے چیئرمین بلاول بھٹو زرداری کراچی انڈسٹریل واٹر پارک کے سلسلے میں 35 ایم جی کے منصوبے کی تکمیل جبکہ 65 ایم جی کے صنعتی پانی کو صاف کرنے کے منصوبے کا افتتاح کررہے ہیں، اس موقع پر انہوں نے پلانٹ کا معائنہ بھی کیا۔@BBhuttoZardari pic.twitter.com/253nRYOuPZ
— PPP (@MediaCellPPP) October 3, 2026
انہوں نے تحریک انصاف کو مشورہ دیا کہ سیاسی اور دہشت گردی سے متعلق معاملات کو الگ رکھا جائے۔ بلاول بھٹو زرداری کے مطابق جب سیاست پر توجہ دی جاتی ہے تو خیبرپختونخوا میں دہشت گردی بڑھ جاتی ہے، جبکہ پیپلز پارٹی کا مؤقف ہے کہ دہشت گردی کا مقابلہ مل کر کرنا ہوگا۔
چیئرمین پیپلز پارٹی نے کہا کہ پیپلز پارٹی نے کراچی کے بلدیاتی انتخابات میں کامیابی حاصل کی، جبکہ اس بار شہر میں جو کام ہو رہا ہے وہ تاریخ میں کبھی نہیں ہوا۔
بلاول بھٹو زرداری نے کہا کہ کراچی کو اس کے حصے کا پانی نہیں دیا جاتا۔ واٹر اکارڈ میں خاص طور پر کراچی کے لیے اضافی پانی دینے کا لکھا گیا ہے، جبکہ سندھ کو آج تک معاہدے کے مطابق اس کے حصے کا پانی نہیں ملا۔
لائیو: ضلع کیماڑی کراچی میں ہارون آباد، گٹر باغیچہ کے مقام پر گریٹر کراچی سیوریج پلان کے سلسلے نکاسی آب کے پانی کو صاف کرنے والے ٹریٹمنٹ پلانٹ ون کے منصوبے کی افتتاحی تقریب@BBhuttoZardari https://t.co/TjAgtC8Trs
— PPP (@MediaCellPPP) October 3, 2026
انہوں نے کہا کہ کیماڑی کے عوام کو پانی پہنچانے کے لیے اقدامات کیے جائیں گے۔ پانی بچانے کے منصوبے کا افتتاح کیا گیا ہے، جبکہ لیاری میں 10 ملین گیلن اضافی پانی دیا جائے گا۔
بلاول بھٹو زرداری نے کہا کہ کراچی کے عوام کے بنیادی مسائل کا حل نکالنا ہے۔ ان کے مطابق وہ اور ان کی والدہ کراچی میں پیدا ہوئے اور اس شہر کی خدمت کرتے رہیں گے۔
انہوں نے کہا کہ وفاق کی جانب سے کراچی کو سوتیلا سمجھ کر ڈیل کیا گیا، صوبے میں گیس پیدا ہوتی ہے لیکن یہاں کے عوام کی شکایت ہے کہ انہیں گیس نہیں مل رہی۔
چیئرمین پیپلز پارٹی نے کہا کہ کے فور منصوبے میں بھی وفاق کا بڑا کردار ہے اور وہ آج بھی انتظار کر رہے ہیں۔ انہوں نے کہا کہ وزیراعظم سے بھی کہا ہے کہ ’شہباز اسپیڈ‘ کا بڑا سنا ہے، افسوس آج بھی انتظار کر رہے ہیں۔
مزید پڑھیں:حکومت اور اپوزیشن میں مذاکرات، علی محمد خان نے اہم امید ظاہر کردی
