اسلام آباد (اے بی این نیوز) ملک میں سولر پینلز کی قیمتوں میں حالیہ دنوں کے دوران مجموعی طور پر استحکام دیکھا جا رہا ہے، تاہم مختلف برانڈز، ٹیکنالوجی، گریڈ اور واٹ کے حساب سے نرخوں میں فرق برقرار ہے۔ 25 ستمبر کے دستیاب مارکیٹ ریٹس کے مطابق کئی مقبول N-Type اور بائی فیشل پینلز تقریباً 38 سے 44 روپے فی واٹ کے درمیان فروخت ہو رہے ہیں۔
دستیاب تازہ ریٹس کے مطابق 580 سے 590 واٹ کے پینلز کی قیمت عموماً تقریباً 24 ہزار سے 26 ہزار روپے جبکہ 610 سے 635 واٹ کے پینلز کی قیمت تقریباً 25 ہزار سے 28 ہزار روپے تک ریکارڈ کی گئی ہے۔
اسی طرح 700 سے 720 واٹ کے جدید N-Type اور بائی فیشل پینلز کی قیمت کئی برانڈز میں تقریباً 28 ہزار سے 30 ہزار روپے کے درمیان ہے۔
مارکیٹ میں 550 واٹ اور اس سے کم پرانے ماڈلز کی دستیابی محدود ہوتی جا رہی ہے، جبکہ نئے N-Type، TOPCon اور بائی فیشل پینلز کی طلب برقرار ہے۔ مختلف شہروں، برانڈز، گریڈ اور خریداری کی مقدار کے باعث اصل قیمت میں فرق ممکن ہے۔
نوٹ :یہ ریٹس مارکیٹ میں دستیاب تازہ آن لائن قیمتوں پر مبنی ہیں، اس لیے مقامی ڈیلر کے پاس قیمت مختلف ہو سکتی ہے۔
مزیدپڑھیں: ستاروں کی روشنی میں آپ کا آج (ہفتہ) کا دن کیسا رہے گا؟
