کوہاٹ (اے بی این نیوز) کوہاٹ یونیورسٹی میں الائیڈ ہیلتھ سائنس پروگرام کی رجسٹریشن کے معاملے پر طلبہ نے شدید احتجاج کرتے ہوئے مختلف دفاتر کو تالے لگا دیے۔ طلبہ کا مؤقف ہے کہ یونیورسٹی انتظامیہ کی جانب سے پہلے یہ اعلان کیا گیا تھا کالائیڈ ہیلتھ سائنس پروگرام کو رجسٹر کر لیا گیا ہے، تاہم اس حوالے سے تاحال کوئی باضابطہ نوٹیفکیشن یا دستاویزی ثبوت فراہم نہیں کیا گیا۔

مظاہرین کا کہنا ہے کہ اگر رجسٹریشن مکمل ہو چکی ہے تو طلبہ کو واضح طور پر این او سی اور دیگر متعلقہ دستاویزات کیوں فراہم نہیں کی جا رہیں۔ ان کے مطابق مسلسل متضاد بیانات اور غیر واضح صورتحال نے طلبہ کو شدید ذہنی دباؤ اور بے یقینی کا شکار کر دیا ہے۔

طلبہ نے مطالبہ کیا کہ یونیورسٹی انتظامیہ فوری طور پر رجسٹریشن سے متعلق تمام حقائق، نوٹیفکیشن اور قانونی دستاویزات منظر عام پر لائے اور اس معاملے پر واضح

اور دوٹوک مؤقف اختیار کرے۔ ان کا کہنا تھا کہ مسلسل ابہام اور ٹال مٹول کا رویہ نہ صرف طلبہ کے مستقبل کو متاثر کر رہا ہے بلکہ یونیورسٹی کی ساکھ پر بھی سوالات اٹھا رہا ہے۔

احتجاجی طلبہ نے خبردار کیا کہ مطالبات پورے نہ ہونے کی صورت میں احتجاج کا دائرہ مزید وسیع کیا جا سکتا ہے۔
مزید پڑھیں: امریکا کے ایرانی تنصیبات پر حملے،ایران نے جوابی میزائل داغ دیئے