لندن (اے بی این نیوز ) جمائما گولڈ اسمتھ نے وفاقی وزیر عطا تارڑ کے بیان پر ردعمل دیتے ہوئے نائیکوپ کارڈ کے ذریعے سفر کی تجویز پر سوالات اٹھا دیے ہیں۔
اپنے سوشل میڈیا پیغام میں جمائما گولڈ اسمتھ کا کہنا تھا کہ ویزا دینے سے انکار اور اس کے بجائے نائیکوپ کارڈ پر سفر کی تجویز دینا کئی سنجیدہ خدشات کو جنم دیتا ہے۔ ان کے مطابق اس فیصلے کے پیچھے ممکنہ وجہ یہ ہو سکتی ہے کہ نائیکوپ کے ذریعے سفر کرنے والوں کو وہ قونصلر تحفظ حاصل نہیں ہوتا جو عام طور پر ویزا پر سفر کرنے والوں کو میسر ہوتا ہے۔
انہوں نے مزید کہا کہ اگر عمران خان کے بچے نائیکوپ کے تحت پاکستان داخل ہوتے ہیں تو ممکنہ طور پر کسی بھی قانونی صورتحال میں انہیں بین الاقوامی سفارتی تحفظ حاصل نہیں ہوگا، جو ایک اہم قانونی اور انسانی پہلو ہے۔
We all know that the reason you are refusing their visas and recommending they travel on NICOP cards (which they don’t have presently) is because that way they will have no British protection if you choose to arrest them on arrival. https://t.co/DOb4OlV6Aw
— Jemima Goldsmith (@Jemima_Khan) March 19, 2026
مزید پڑھیں :پٹرولیم مصنوعات کی قیمتوں میں ممکنہ تبدیلی، وزیر اعظم کچھ ہی دیر میں قوم سے خطاب کریں گے
