تہران (اے بی این نیوز ) ایران ممکنہ جنگ کے خدشات کے پیشِ نظر اپنی تیاریوں میں مصروف ہے، نیویارک ٹائمز کی رپورٹ کے مطابق سپریم لیڈر علی خامنہ ای نے نیشنل سیکیورٹی کونسل کے سربراہ کو زیادہ تر اختیارات سونپ دیے ہیں تاکہ ملک کی قومی سلامتی کے فیصلے جلد اور مؤثر انداز میں کیے جا سکیں۔
رپورٹ کے مطابق خامنہ ای نے چار سطحی انتظامی منصوبہ بندی کے تحت اپنے جانشین بھی مقرر کر دیے ہیں، اور اگر اعلیٰ قیادت کسی وجہ سے متاثر ہو جائے تو عبوری انتظام کے لیے علی لاریجانی کو سب سے آگے رکھا گیا ہے، سپریم لیڈر نے علی لاریجانی پر مکمل اعتماد کا اظہار کیا ہے اور ملک کی خارجہ پالیسی، خاص طور پر امریکہ کے ساتھ مذاکرات کی نگرانی بھی انہیں سونپی گئی ہے۔
رپورٹ میں بتایا گیا ہے کہ صدر ایبراهیم رئیسی بھی ضروری صورت میں اختیارات علی لاریجانی کو سونپنے پر آمادہ دکھائی دیتے ہیں، جبکہ علی لاریجانی سے اجازت لی گئی۔ دیگر ناموں میں باقر قالیباف اور سابق صدر حسن روحانی کو عبوری انتظام کے لیے زیر غور رکھا گیا ہے۔
نیویارک ٹائمز کے مطابق جنگ کی صورت میں سپیکر کو مسلح افواج کی کمان سونپی جا سکتی ہے، اس دوران خلیج فارس کے ساحلوں پر میزائل نصب کر دیے گئے ہیں تاکہ کسی بھی ممکنہ خطرے کا فوری جواب دیا جا سکے۔ ایرانی قیادت کی یہ اقدامات داخلی استحکام اور دفاعی تیاری کو یقینی بنانے کے لیے کیے جا رہے ہیں تاکہ کسی بھی بین الاقوامی کشیدگی یا جنگ کی صورت میں ملک تیار رہے۔
مزید پڑھیں :خصوصی رمضان ریلیف پیکج ،13 ہزار روپے کی مالی امداد کی تقسیم کا آغاز ،اپنی اہلیت چیک کریں
