لاہور(اے بی این نیوز)سابق کرکٹر باسط علی نے کہا ہے کہ دنیا کی آنکھیں کھولنی ہے تو یکم فروری کو پاک بھارت انڈر19 میچ کا بائیکاٹ کرلیں۔

نجی چینل کے پروگرام میں گفتگو کرتے ہوئے پاکستان کے سابق ٹیسٹ کرکٹر نے بھارتی انڈر19 ٹیم سے ورلڈکپ کا میچ نہ کھیلنے کی تجویز پیش کردی، انھوں نے کہا کہ ہاتھ نہ ملانے کا قانون ہے تو پھر بائیکاٹ کرنے کا بھی قانون موجود ہے۔

باسط علی نے کہا کہ براڈ کاسٹرز کو سب سے زیادہ فائدہ پاک بھارت میچ سے ہوتا ہے، پاک بھارت میچ کا ایک ہزار والا ٹکٹ 10 ہزار ڈالرز میں بکتا ہے۔

انھوں نے کہا کہ وزیراعظم سے ملاقات نہ ہوتی تو آج فیصلہ ہوجانا تھا کہ بھارت سے پہلے راؤنڈ کا میچ نہیں کھیلیں گے، کرکٹ میں سیاست نہیں آنی چاہی، محسن نقوی آئی سی سی سے بات کرینگے پھر وزیراعظم جمعہ یا پیر کو فیصلہ کرینگے۔

سابق قومی کرکٹر نے کہا کہ محسن نقوی نے پلیئرز سے میٹنگ کی لگ یہی رہا تھاکہ بھارت کیخلاف میچ کا بائیکاٹ کرینگے، محسن نقوی نے پلیئرز سے میٹنگ کی لگ یہی رہا تھا کہ بھارت کیخلاف میچ کا بائیکاٹ کریں گے۔

باسط علی نے کہا کہ بھارت میں جب فسادات ہورہے تھے اس وقت بھی پاکستان نے بھارت میں جاکر کھیلا ہے، بھارت نے آئی پی ایل اور پیسے کی بدولت لوگوں کو خریدا ہوا ہے۔

ہائبرڈ ماڈل بھارت نے شروع کیا ہے جس کا جواب بنگلادیش اور پاکستان نے بھی دیا ہے، وزیراعظم سے ملاقات تک یہی طے تھا کہ بھارت سے میچ نہیں کھیلیں گے۔

باسط علی نے کہا کہ وزیراعظم نے بڑے پن کا ثبوت دیا اور محسن نقوی سےکہا آپ بات چیت کریں، بات چیت مسئلے کا حل ہے، ہم نے وہ سیاست نہیں کرنی جو بھارت کرتا ہے۔

مزید پڑھیں۔پنجاب میں بسنت سے قبل دفعہ 144 کے تحت سخت پابندیاں عائد