راولپنڈی(اے بی این نیوز)تعلیمی بورڈ راولپنڈی نے فیسوں میں اضافہ کردیا ہے ۔ بورڈز امتحان کیلئے سی سی ٹی وی کیمرہ فیس 30 روپے عائد کی گئی ہے، ہر طالب علم پر 900 روپے گمنام متفرق فیس کے علاوہ سند فیس 550 سے بڑھا کر 1000 روپے کر دی گئی ہے۔

طلبہ پر 350 روپے ڈویلپمنٹ چارجز اور 300 روپے پوسٹل خرچہ بھی عائد کیا گیا ہے،سکالر شپ فیس بھی 250 روپے کردی گئی ہے۔ ایجوکیشن بورڈ راولپنڈی نے ان فیسوں کا سرکلر بھی جاری کر دیا ہے جس کے مطابق پروسیسنگ فیس 450 روپے سے بڑھا کر 1000 روپے اور رجسٹریشن فیس 1000 روپے، داخلہ فیس 1000 روپے، ایڈمشن فیس ریگولر آرٹس 1700 روپے، سائنس گروپ 1740 روپے، ایڈمشن فیس پرائیویٹ طلبہ آرٹس 1800 روپے اور سائنس گروپ 1900 روپے مقرر کی گئی ہے۔

انٹرمیڈیٹ ریگولر مجموعی فیس 7730 روپے جبکہ پرائیویٹ طالب علم کی مجموعی فیس 7570 روپے ہوگی۔ یہ بھی پڑھیں:محکمہ سکول ایجوکیشن کا ای ٹرانسفر پالیسی 2024 میں تبدیلی کا فیصلہ ،واضح رہے کہ میٹرک سالانہ امتحانات 27 مارچ اورانٹرمیڈیٹ 20 مئی سے شروع ہونگے،ٹرپل فیس کے ساتھ داخلہ بھجوانے کی آخری تاریخ 9 مارچ مقرر کی گئی ہے۔

دوسری طرف آل پاکستان پرائیویٹ سکولز ایسوسی ایشنز نے فیسوں میں اضافہ اورنئے ٹیکس مسترد کر دئیے ہیں۔

مزید پڑھیں۔پاک فضائیہ کا دستہ کثیر ملکی فضائی جنگی مشق میں شرکت کیلئے سعودی عرب پہنچ گیا