لاہور (اے بی این نیوز)پی ٹی آئی رہنما ڈاکٹر یاسمین راشد نے این اے 130 سے متعلق لاہور الیکشن ٹریبونل کے فیصلے کے خلاف عدالت سے رجوع کرنے کا فیصلہ کر لیا ہے۔ذرائع کے مطابق ڈاکٹر یاسمین راشد نے جیل میں اپنی قانونی ٹیم سے مشاورت کے بعد حکمت عملی طے کی اور فیصلہ کیا کہ ٹریبونل کے فیصلے کو عدالت میں چیلنج کیا جائے تاکہ ان کے قانونی حقوق کا تحفظ کیا جا سکے۔
ان کے وکیل رانا مدثر عمر نے تصدیق کی کہ فیصلے کی مصدقہ کاپی کے لیے درخواست دے دی گئی ہے اور جیسے ہی کاپی موصول ہوگی، متعلقہ عدالت میں پٹیشن دائر کی جائے گی۔وکیل کے مطابق الیکشن ٹریبونل نے کیس میں حقائق کا درست جائزہ نہیں لیا اور تکنیکی بنیادوں پر ڈاکٹر یاسمین راشد کی الیکشن پٹیشن مسترد کر دی گئی۔یاد رہے کہ لاہور کے الیکشن ٹریبونل نے ڈاکٹر یاسمین راشد کی نواز شریف کے خلاف دائر کی گئی پٹیشن کو ناقابل سماعت قرار دیا تھا، جس کے بعد یہ قانونی چیلنج سامنے آیا ہے۔
مزید پڑھیں :سبی سے افسوسناک خبر آگئی،جا نئے کتنا جانی نقصان ہوا
