بیجنگ ( اے بی این نیوز )چین کے ٹینس کھلاڑی پینگ رین لانگ کو میچ فکسنگ اسکینڈل میں 12 سال کی پابندی عائد کر دی گئی ہے اور انہیں 1 لاکھ 10 ہزار ڈالر جرمانہ بھی کیا گیا ہے۔ یہ فیصلہ انٹرنیشنل ٹینس انٹیگریٹی ایجنسی (ITIA) نے جاری کیا ہے۔

25 سالہ پینگ رین لانگ نے اعتراف کیا ہے کہ اس نے نچلی سطح کے ایونٹس میں اپنے پانچ میچز فکس کیے۔ اس کے علاوہ، کھلاڑی نے 11 مزید میچز میں دیگر کھلاڑیوں کو فکسنگ کی پیشکش کی، جن میں سے چھ میچز واقعی فکس ہوئے تھے۔

میچ فکسنگ کی یہ سرگرمیاں 2024 کے مئی سے ستمبر کے درمیان ہوئی تھیں اور ترکی، ہانگ کانگ اور چین میں منعقد ہونے والے متعدد ITF ٹورنامنٹس میں شامل تھیں۔ تاہم ITIA نے یہ واضح نہیں کیا کہ کون سے مخصوص میچز فکس کیے گئے تھے۔

مزید پڑھیں :پانامہ کے بعد ایک اور سکینڈل تیار،ہلچل مچ گئی،اہم شخصیات کے اوسان کیوں خطا؟