اسلام آباد ( اے بی این نیوز )پاکستان بار کونسل کے اراکین کے انتخابات 2025 کا نوٹیفکیشن جاری کر دیا گیا ہے۔ اٹارنی جنرل پاکستان منصور عثمان اعوان نے بطور ریٹرننگ آفیسر کامیاب امیدواروں کا نوٹیفکیشن جاری کیا۔نوٹیفکیشن کے مطابق بلوچستان سے منیر احمد خان کاکڑ پاکستان بار کونسل کے رکن منتخب ہوئے ہیں، جبکہ اسلام آباد سے راجہ رضوان عباسی منتخب قرار پائے ہیں۔
خیبر پختونخوا سے نوید اختر، عبد الستار خان، رحمان اللّٰہ اور قاضی محمد ارشد پاکستان بار کونسل کے اراکین منتخب ہوئے ہیں۔پنجاب سے اعظم نذیر تارڑ، محمد احسن بھون، حفیظ الرحمٰن چودھری، سلمان اکرم راجہ، شفقت محمود چوہان، محمد مقصود، چوہدری طاہر نصراللہ وڑائچ، پیر محمد مسعود چشتی، سید قلبِ حسن اور ثاقب اکرم گوندل پاکستان بار کونسل کے اراکین منتخب ہوئے ہیں۔سندھ سے منیر احمد ملک، فاروق حمید نائیک، صلاح الدین احمد، محمد سلیم منگریو، عبیداللہ اور عابد شاہد زبیری پاکستان بار کونسل کے رکن منتخب قرار پائے ہیں۔
مزید پڑھیں :دو اور چار سیٹر رکشے چلانے پر پابندی
