لندن( اے بی این نیوز         ) تحریکِ انصاف کے بانی چیئرمین عمران خان کی سابق اہلیہ جمائما خان نے سوشل میڈیا پلیٹ فارم ’’ایکس‘‘ سے متعلق سنگین خدشات کا اظہار کیا ہے۔ ان کا کہنا ہے کہ جیسے ہی وہ عمران خان کے بارے میں کوئی پوسٹ کرتی ہیں، اس کی رسائی (reach) فوری طور پر محدود کر دی جاتی ہے، جس کے باعث ان کی بات لوگوں تک نہیں پہنچ پاتی۔

جمائما خان نے ایلون مسک کو براہِ راست مخاطب کرتے ہوئے کہا کہ ان کے دو بیٹوں کو اپنے والد، سابق وزیرِاعظم عمران خان سے نہ ملنے دیا جا رہا ہے اور نہ ہی بات چیت کی اجازت ہے، جبکہ اقوام متحدہ کے مطابق عمران خان 22 ماہ سے غیر قانونی و تنہائی کی قید میں ہیں۔

انہوں نے مزید لکھا کہ ’’ایکس‘‘ واحد پلیٹ فارم ہے جہاں وہ دنیا کو بتا سکتی ہیں کہ عمران خان ایک سیاسی قیدی ہیں جنہیں بنیادی انسانی حقوق سے محروم کیا گیا ہے، لیکن ہر بار عمران خان سے متعلق پوسٹ کی visibility پاکستان میں تو محدود ہوتی ہی ہے، اکثر عالمی سطح پر بھی تقریباً ختم کر دی جاتی ہے۔جمائما خان نے ایلون مسک کو یاد دہانی کرائی کہ انہوں نے آزادیٔ اظہار کا وعدہ کیا تھا، ’’نہ کہ ایسی آزادی جسے کوئی سن ہی نہ سکے۔‘‘انہوں نے مطالبہ کیا کہ ان کے اکاؤنٹ پر لگائی گئی مبینہ visibility filtering فوری ختم کی جائے تاکہ وہ اپنی آواز پوری دنیا تک پہنچا سکیں۔

مزید پڑھیں :موسمِ سرما کی تعطیلات کا اعلان