جھل مگسی ( اے بی این نیوز      ) ڈیزرٹ جیپ ریس ریلی 2025 کے حوالے سے تیاریاں اپنے آخری مراحل میں داخل ہو گئی ہیں اور ایونٹ کا آفیشل ٹریک میپ بھی جاری کر دیا گیا ہے۔
کوالیفائنگ راؤنڈ مکمل ہو چکا ہے، جبکہ پروفیشنل کلاس، اسٹاک کیٹیگری اور ویٹرن کلاس کے اہم ریس راؤنڈز کل منعقد ہوں گے۔

ریلی کے منتظمین کے مطابق اس سال مجموعی طور پر 56 گاڑیوں کی رجسٹریشن کی گئی ہے۔ خواتین کیٹیگری میں 2 خواتین ریسرز بڑھ چڑھ کر حصہ لے رہی ہیں، جبکہ اسٹاک کیٹیگری میں ایک خاتون ریسر بھی اپنی صلاحیتوں کا مظاہرہ کرے گی۔
پریپیئرڈ کیٹیگری میں جعفر مگسی، صاحبزادہ سلطان، فیصل شادی خیل سمیت بڑے نام ٹریک پر ایک دوسرے کے مدمقابل ہوں گے۔ اس کے علاوہ رکن سندھ اسمبلی نادر مگسی، انس مگسی اور جام کمال بھی اسی کیٹیگری میں حصہ لے رہے ہیں۔اسٹاک کیٹیگری میں سید عاصم امام، عزیر مگسی، اویس شاہوانی اور دیگر ریسرز میدان میں اتریں گے۔

مزید پڑھیں ؛پاکستان میں پہلی بار بغیر ڈرائیور کے کار کی کامیاب ٹیسٹ ڈرائیو