کراچی(سٹیٹ ویوز) سُپر اسٹار فواد خان اور اداکارہ صنم سعید کی ویب سیریز ’برزخ‘ عالمی فلم فیسٹیول کیلئے منتخب کرلی گئی۔پاکستان شوبز کی ’برزخ‘کو بہترین سیریز، بہترین ہدایت کار، بہترین اداکار اور اداکارہ جیسے ایوارڈز کیلئے ’عالمی سیریز مین یا فیسٹیول‘ میں نامزد کیا گیا ۔بھارتی ٹیلی ویژن ’زی زندگی‘کی سیریز ’برزخ‘میں پاکستانی ڈرامے ’زندگی گلزار ہے‘ سے مشہور ہونیوالی جوڑی فواد خان اور صنم سعید نے اداکاری کے جوہر دکھائے جبکہ اس کے ہدایات عاصم عباسی ہیں اور اس ویب سیریز کو وقاص حسن حسان اور شائلجہ کیجروال نے پروڈیوس کیا ۔ ویب سیریز کی کہانی ایک عمر رسیدہ شخص کے خاندان کے گرد گھومتی ہے جسے محبت کی تلاش ہے۔ اس سیریز میں باپ اور بیٹے کے درمیان نسل در نسل چلے آنے والے مسائل اور مشکلات کے بارے میں بھی بیان کیا گیا ہے۔سیریز کی عکس بندی پاکستان کے مقبول سیاحتی مقام ہنزہ اور اور کراچی شہر میں کی گئی ۔ اس سیریز کو تاحال ریلیز تو نہیں کیا گیا تاہم اسے فرانس میں 17 سے 24 مارچ تک منعقد ہونے والے ’سیریز مینیا فیسٹیول‘میں پیش کیا جائے گا۔