پشاور(اے بی این نیوز)عمران خان سے ملاقات کی اجازت نہ ملنے پر خیبرپختونخوا کابینہ کا ہنگامی اجلاس طلب کر لیا گیا۔ عمران خان سے ملاقات کی اجازت نہ ملنے پر خیبرپختونخوا کابینہ کا ہنگامی اجلاس آج طلب کر لیا گیا۔ معاون خصوصی اطلاعات شفیع جان کے مطابق وزیراعلیٰ سہیل آفریدی نے کابینہ، پی ٹی آئی پارلیمانی پارٹی اور پارٹی کابینہ کے اجلاس بھی بلالیے ہیں۔
اجلاس کے بعد وزیراعلیٰ میڈیا کو فیصلوں سے آگاہ کریں گے۔ پشاور میں تقریب سے خطاب کرتے ہوئے سہیل آفریدی نے کہا کہ آج کا دن ہمارے لیے تکلیف دہ ہے، ہمارے پرامن کارکنوں پر تشدد کیا گیا۔ انہوں نے اعلان کیا کہ عمران خان کی رہائی کے لئے ہر منگل اسلام آباد میں اراکین اسمبلی احتجاج ریکارڈ کرائیں گے، جبکہ 27 دسمبر کو پشاور میں بڑا جلسہ ہوگا۔انہوں نے کہا کہ عدلیہ کو مفلوج کر دیا گیا ہے، طاقتور نہیں چاہتے کہ ملک میں قانون کی بالادستی ہو۔ ہم پرامن تھے، ہیں اور رہیں گے، انتشار نہیں چاہتے۔
مزید پڑھیں :امریکی محکمہ ہوم لینڈ سیکیورٹی کی رپورٹ،متعدد افغان شہری سنگین جرائم میں ملوث
