کاٹلنگ (اے بی این نیوز) جمعیت علمائے اسلام (ف) کے سربراہ مولانا فضل الرحمان نے دعویٰ کیا ہے کہ 27ویں آئینی ترمیم کے لیے *جالی مینڈیٹ* تیار کیا گیا ہے۔ کاٹلنگ میں کارکنوں سے خطاب کرتے ہوئے انہوں نے کہا کہ انہیں بانی قیادت سے بھی گلہ تھا لیکن موجودہ حکمرانوں نے بھی کوئی کسر نہیں چھوڑی۔
مولانا فضل الرحمان کا کہنا تھا کہ انہوں نے سابقہ حکومتوں کے خلاف تحریک چلائی اور اب بھی تحریک چلانے کے لیے تیار ہیں ۔ انہوں نے ملکی معاشی صورتحال پر شدید تنقید کرتے ہوئے کہا کہ پاکستان کی معیشت تباہ ہو چکی ہے، جبکہ بھارت اور بنگلادیش ترقی کی دوڑ میں پاکستان سے آگے نکل گئے ہیں۔
انہوں نے الزام عائد کیا کہ ملک کو سیاسی انجینئرنگ کے ذریعے تباہی کے راستے پر ڈالا گیا اور عوام کو حقیقی نمائندگی سے محروم رکھا جا رہا ہے۔ مولانا فضل الرحمان نے جلد بڑے احتجاجی اقدامات کا عندیہ بھی دیا۔
مزید پڑھیں :گولڈن ویزا میں نرمی
