راولپنڈی (اے بی این نیوز) سری لنکن کپتان داسن شناکا نے کہا ہے کہ فائنل میں اسپنرز کے خلاف ہم نے اچھی بیٹنگ نہیں کی۔
سہ ملکی سیریز کے فائنل میں پاکستان کے ہاتھوں شکست کے بعد بات کرتے ہوئے داسن شاناکا نے کہا کہ ہم نے اننگز کا آغاز اچھا کیا۔
انہوں نے کہا کہ کامل مشرا نے شاندار اننگز کھیلی، ہم نے اسپنرز کے خلاف اچھی بیٹنگ نہیں کی۔
سری لنکن کپتان کا مزید کہنا تھا کہ ہمیں اس سیریز سے ٹی ٹوئنٹی ورلڈ کپ کی تیاری کا موقع ملا۔
سہ فریقی ٹی ٹوئنٹی سیریز کے فائنل میں پاکستان نے سری لنکا کو 6 وکٹوں سے شکست دے کر سیریز اپنے نام کر لی۔
راولپنڈی سٹیڈیم میں کھیلے گئے فائنل میں سری لنکا نے پاکستان کو جیت کے لیے 115 رنز کا ہدف دیا تھا جو اس نے 8 گیندیں باقی رہ کر حاصل کر لیا۔
مزید پڑھیں:اب ہم ورلڈ کپ کے لیے پوری طرح تیار ہیں:سلمان علی آغا
