ریاض (اے بی این نیوز)سعودی عرب کےمحکمہ پاسپورٹ اینڈ امیگریشن ’جوازات‘ نے اپنے بیان میں کہا ہے کہ اقامے میں موجود تصویر واضح فرق ہونے کی صورت میں فوٹو تبدیل کرنے کیلیے درخواست دی جاسکتی ہے۔
سعودی خبر رساں ادارے کی رپورٹ کے مطابق اقامہ میں تصویر کی تبدیلی اس وقت کی جاتی ہے جب چہرے کی شناحت میں کسی قسم کی تبدیلی آئے۔ اس کے لیے واضح جواز فراہم کرنا ضروری ہے بغیر وجہ کے تصویرتبدیل نہیں کی جاتی۔
رپورٹس کے مطابق ایک اور سوال کے جواب میں جوازات نے کہا کہ غیرملکی کارکن کے اقامے پر موجود تصویر اور اس کی شکل میں واضح فرق ہونے کی صورت میں تصویر کی تبدیلی کے لیے اپنے شہر کے جوازات کے دفترمیں اپائنٹمنٹ حاصل کیا جائے۔
درخواست گازار کا پاسپورٹ کارآمد اور نئی تصویر کا ہونا ضروری ہے۔سوالات کا جواب دیتے ہوئے جوازات نے ایکس اکاونٹ پر کہا کہ ورک ویزے پر مملکت آنے والے غیرملکی کارکنان کا اقامہ 90 روز کے اندر جاری کرانا لازمی ہے۔
رپورٹس کے مطابق مقررہ تین ماہ کی مدت کے دوران اقامہ جاری نہ کرانے کی صورت میں 500 ریال جرمانہ ادا عائد کیا جاتا ہے۔قانون کے مطابق نئے آنے والے غیرملکی کارکنوں کا اقامہ جاری کرانے کیلیے میڈیکل ٹیسٹ بھی ضروری ہوتا ہے۔
مزید پڑھیں: بنگلادیش کی عدالت نے شیخ حسینہ واجد کے خلاف مقدمے کا فیصلہ سنا دیا
