اسلام آباد( اے بی این نیوز)صدر کے بعد وزیر اعظم کو فوجداری مقدمات سے استثنیٰ دینے کی ترمیم بھی کمیٹی کے سامنے پیش کر دی گئی۔
ذرائع کے مطابق ترمیم حکومتی ارکان سینیٹر انوشہ رحمان اور سینیٹر ظاہر خلیل سندھو نے مشترکہ قائمہ کمیٹی میں پیش کی۔
ذرائع کا کہنا ہے کہ ترمیم کے تحت صدر کے ساتھ آئین کے آرٹیکل 248 میں وزیراعظم کا لفظ بھی شامل کیا جائے گا۔
ترمیم کی منظوری کے بعد وزیراعظم کے دور میں ان کے خلاف فوجداری مقدمات نہیں چلیں گے۔
واضح رہے کہ 27ویں آئینی ترمیم کابینہ کی منظوری اور سینیٹ میں پیش کرنے کے بعد پارلیمنٹ کی قائمہ کمیٹی برائے قانون و انصاف میں پیش کی گئی۔
27ویں آئینی ترمیم پر مشترکہ پارلیمانی کمیٹی برائے قانون و انصاف کا اجلاس ختم ہوگیا، مشترکہ پارلیمانی کمیٹی برائے قانون و انصاف کا اجلاس کل صبح 11 بجے دوبارہ ہوگا۔
مزید پڑھیں:بابر اعظم نے انٹرنیشنل کرکٹ میں 15 ہزار رنز مکمل کر کے نیا سنگ میل عبور کرلیا
