اسلام آباد(اے بی این نیوز)ملک بھر میں شادیوں پر ود ہولڈنگ ٹیکس میں مزید اضافہ کر دیا گیا ہے۔
فیڈرل بورڈ آف ریونیو (ایف بی آر) کے مطابق گزشتہ مالی سال میں شادیوں پر ود ہولڈنگ ٹیکس کٹوتی میں 19 فیصد اضافہ ہوا۔
دستاویزات کے مطابق مالی سال 2025 میں شادیوں پر ود ہولڈنگ ٹیکس کی وصولی 2.2 ارب روپے تھی۔ جبکہ گزشتہ مالی سال میں شادیوں پر ود ہولڈنگ ٹیکس کی وصولی 1.7 ارب روپے تھی۔
ایف بی آر کے مطابق گزشتہ مالی سال میں ود ہولڈنگ ٹیکس کی وصولی میں 500 ملین روپے کا اضافہ ہوا۔ اور ٹیکس میں اضافے کی بڑی وجہ کڑی نگرانی ہے۔
کراچی، لاہور اور اسلام آباد میں بڑھتے ہوئے اخراجات میں اضافہ ہوا ہے۔ شادی ہالز، مارکیز اور ہوٹلوں سے ٹیکس وصول کیا جا رہا ہے۔ ایڈوانس ٹیکس ریستوراں، کلبوں، کمیونٹی سینٹرز میں ہونے والی تقریبات سے وصول کیا جاتا ہے۔ جبکہ کھانے پینے کی اشیاء، سجاوٹ اور دیگر متعلقہ خدمات کی ادائیگیاں بھی شامل ہیں۔
دستاویز کے مطابق ایکٹو ٹیکس لسٹ میں شامل افراد پر 10 فیصد ٹیکس عائد کیا جاتا ہے۔ اور نان فائلرز کی شادیوں پر 20 فیصد ودہولڈنگ ٹیکس لاگو ہے۔
مزید بتایا گیا کہ ٹیکس فائلرز کی سالانہ ٹیکس واجبات کو ایڈجسٹ کیا جا سکتا ہے۔ شادیوں پر سخت ٹیکس وصولی کا مقصد غیر دستاویزی شعبوں کو باقاعدہ بنانا ہے۔
مزید پڑھیں:احتجاج اور سیکورٹی خدشات،تعلیمی اداروں کے کھلنے یا بند ہونے پر غیر یقینی صورتحال
