کراچی (اے بی این نیوز ) سینئر وزیر سندھ شرجیل میمن نے کہا کہ پنجاب حکومت کی جانب سے پیپلزپارٹی کے خلاف منظم مہم چلائی جا رہی ہے، حالانکہ اس وقت سب کی توجہ پنجاب کے سیلاب متاثرین کی فوری امداد پر ہونی چاہیے۔ انہوں نے بتایا کہ سندھ حکومت نے سیلاب زدگان کے لیے بھرپور تعاون کیا اور بلاول بھٹو زرداری نے بھی عالمی اداروں سے امداد کی اپیل کی ہے۔
شرجیل میمن نے کہا کہ گورنر پنجاب سمیت پی پی قیادت نے متاثرین کی مدد کے لیے متحرک کردار ادا کیا اور وہ چاہتے ہیں کہ یہ امدادی کاوشیں بلا تعطل جاری رہیں، تاہم پنجاب حکومت کی جانب سے بلاوجہ تنقید اور الزام تراشی سمجھ سے باہر ہے۔ ان کے بقول بی آئی ایس پی ماڈل ایک کامیاب ابتدائیہ ہے اور اس کا مقصد فوری ریلیف فراہم کرنا تھا، نہ کہ کسی سیاسی اختلاف کو ہوا دینا۔
انہوں نے خبردار کیا کہ بظاہر سندھ کو ہدف بنایا جا رہا ہے مگر اصل نشانہ وفاقی حکومت ہے، اور اگر معاشی یا سیاسی دباؤ کے ذریعے وفاقی رویے کو کمزور کرنے کی سازش کی گئی تو وہ کامیاب نہیں ہونے دیں گے۔ شرجیل میمن نے کہا کہ پیپلزپارٹی نے حکومت کا حصہ نہ ہوتے ہوئے بھی پنجاب کے عوام کے ساتھ تعاون جاری رکھا اور وہ اس یکجہتی کو کمزور کرنے کی کسی بھی کوشش سے نمٹیں گے۔
مزید پڑھیں :گلگت سے بڑی خبر،جا نئے کتنا جانی نقصان ہوا
